O Android Market estreáse con medio cento de aplicacións

A chegada do T-Mobile G1 vén acompañada coa estrea da súa tenda de aplicacións, o Android Market, que se estrea con máis de 50 aplicacións (moi lonxe das máis de 800 coas que se lanzara a homóloga no iPhone) que poden resultar de certo interese por existir xa ferramentas para acceder a servizo de Internet coma Imeem ou MySpace, e agardándose que Shazam, Skype e Amazon MP3 cheguen pronto.
No tocante aos xogos, xa existen algúns (aínda que volven a quedar moi lonxe dos 160 títulos cos que se estreou a AppStore de Apple), polo que haberá que agardar bastantes semanas para ver se a oferta de software para a plataforma móbil promovida por Google resulta atractiva para o público.
Os programadores pola súa banda verán que o 70% dos ingresos da tenda de Apple irán ao seu peto, pero mentres que na AppStore o 30% vai ao peto da compañía de Cupertino, no caso do Android Market serán as operadoras de telefonía as que se queden con estas cantidades, o que podería ser un atractivo para espallar esta plataforma a través de móbiles subvencionados.