Os murcianos poderán pedir cita médica a través da TDT

A Comunidade de Murcia será a primeira do Estado en desenvolver a través da súa televisión autonómica un sistema de cita previa para os servizos médicos de Atención Primaria e Pediatría empregando para iso a tecnoloxía interactiva MHP que posibilita a Televisión Dixital Terrestre (aínda que a meirande parte dos receptores actuais non son compatibles con esta nova posibilidade).
Folleto explicativo do novo sistema de cita previaCon esta solución o usuario podería recibir a información na pantalla do seu televisor, para operar contra o sistema de cita previa introducindo os datos da súa tarxeta sanitaria e a data da cita, con que se busca espallar a vía telemática entre usuarios que non están afeitos ás TIC pero que si coñecen de sobra o mando a distancia do seu televisor.
Os servizos interactivos a través da TDT en Murcia tamén incorporarán un servizo de titulares de novas, información meteorolóxica e de tráfico e facilitará máis trámites coa administración rexional.