Oroso inaugura o seu telecentro de comunicación

O Concello de Oroso, da man do seu alcalde, Manuel Miras Franqueira, e do subdirector xeral de Telecomunicacións e Audiovisual, Manuel Conde Mouzo, inauguraron o telecentro de comunicación da vila, sito na rúa do Deporte, que pretende servir coma espazo para introducirse no mundo da comunicación audiovisual e da alfabetización dixital, para o que contaron cun orzamento de preto de 97.000 euros achegados a través da Secretaría Xeral de Comunicación.
O alcalde de O Carballiño, Carlos Alberto Montes Márquez, deu a benvida por videoconferencia a Oroso á Rede de Telecentros de Comunicación, que xa conta con instalacións en A Coruña, Abegondo, Arzúa, Boiro, Carballo, Ribeira, Santa Comba, Muros, Santiago, Vedra,Betanzos, Vimianzo, A Fonsagrada, Foz, Lugo, Melide, Monforte de Lemos, Monterroso, Viveiro, Chantada, Quiroga, Santa Comba, O Barco de Valdeorras, O Carballiño, Ourense, Verín, Xinzo de Limia, A Estrada, Lalín, Ponteareas, Pontevedra, Marín, Redondela, Tui e Vigo.