Google Books incorpora revistas ao seu buscador

A plataforma desenvolvida en Google Books para dixitalizar publicacións impresas saltou dos libros aos xornais e agora tamén se estende ás revistas, e seguindo a filosofía de iniciativas anteriores, está a incorporar tanto publicacións históricas como modernas, con bastante diversidade.
Entre as revistas que xa se poden consultar en Google Books están o New York Magazine, Popular Mechanics, Popular Science, o Bulletion of Atomic Scientist ou Ebony, o que incrementa a utilidade deste servizo de busca, que de continuar a medrar a este ritmo vai facer posible que Google teña nos seus servidores case todas as representacións culturais dos últimos séculos, o que agradecerán dende curiosos ata investigadores, aínda que polo momento se limite a revistas norteamericanas.