O PP redeseñará a súa web con software libre e apostando pola Web 2.0

Esteban González Pons, vicesecretario de Comunicación do Partido Popular, adiantou que están a traballar na renovación da páxina web da formación política para crear un espazo no que se potenciará a participación cidadá a través de tecnoloxía de redes sociais e incluso declarou que «imos utilizar no seu deseño o software non propietario e imos facela en código aberto porque no PP cremos que o software debe ser de todos e debe compartirse porque a ciencia e o coñecemento teñen que circular con liberdade».
O PP busca así tirar proveito da Web 2.0 e das redes sociais para achegarse á xente nova, que tan afeita está a ferramentas coma Facebook, Tuenti ou Twitter.