Vodafone podería incorporar ao seu catálogo un novo móbil con Android

Movistar anunciou onte que traería en exclusiva a España o móbil con Android HTC Dream, pero agora chegan rumores de que Vodafone podería tomarlle a dianteira comercializando non o terminal G1, senón o novo G2, que sería un móbil moi similar en prestacións ao HTC Dream pero sen o seu teclado físico para facelo máis lixeiro, e que comezaría a venderse a partir do mes de marzo.
Esta guerra para achegar ao mercado os móbiles co sistema operativo Android podería ser moi positiva para os usuarios, pois haberá unha maior oferta de terminais, aínda que a plataforma promovida por Google aínda tardará en popularizarse, pois polo momento conta con moi poucas aplicacións (aínda que de serie xa permite o acceso a servizos coma YouTube, Google Maps ou Gmail), non podendo compararse con Windows Mobile, RIM (BlackBerry), Symbian ou o Mac OS X do iPhone, aínda que o potencial de Android e o aval que supón que Google estea parecen garantías dun prometedor futuro.