A firma GfK Retail and Technology vén de facer público o seu máis recente estudo sobre a venda de tarxetas e adaptadores CAM para a Televisión Dixital Terrestre de Pago. No informe, que se renova con datos actualizados cada semana (dende o lanzamento destes produtos a finais de agosto), constátase un medre do 10% na venda dos devanditos dispositivos durante a primeira semana de setembro. A xuízo da empresa consultora, o sector da equipamentos para a TDT de pago está a medrar “a bo ritmo” e medrará máis e mellor en canto as diferentes marcas teñan á súa disposición este tipo de produtos nas súas versións tarxeta de abonado máis adaptador CAM e tarxeta de abonado máis receptor dixital compatible con TDT de pago.
Asemade, a empresa responsable do informe ten en conta nas súas valoracións a oferta actual de televisores con acceso PCMCIA, compatible coa TDT de pago, e que se espera incremente a súa presenza nos fogares durante as vindeiras semanas.
A venda de equipamento para a TDT de pago medrou un 10% coa chegada de setembro
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
