Nos últimos meses varias canles de televisión comezaron a emitir as súas retransmisións deportivas en formato panorámico, e o director de contidos de Digital+, Álex Martínez Roig, xa declarara que «abandonamos o 4:3 e entramos na era do 16:9. É un adianto do que vai pasar con todas as canles de Canal+». Agora confirman que toda a oferta Premium de canles de Digital+ comezarán as súas emisións en panorámico en outubro coma xa fai Canal+ Liga e as taquillas de pago por visión.
As canles que saltarán ao formato panorámico inicialmente serán Canal+ DCine, Canal+ Acción, Canal+ Acción… 30, Canal+ Comedia e Canal+ Comedia… 30. Máis adiante farán o mesmo Canal+, Canal+… 30, Canal+ 2, Canal+ Fútbol, Canal+ Deporte, Canal+ Eventos e Golf+.
Agora só queda agardar que o resto de plataformas televisivas siga polo mesmo camiño, de xeito que as emisións sexan acordes aos televisores á venda nos últimos anos, e que incluso soportan alta definición pese a que nin sequera están normalizadas as emisións en 16:9.
As canles de cine de Digital+ pasarán a formato panorámico en outubro
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
