Microsoft Ibérica incorpora a Miguel Fajardo á súa plantilla

Miguel Fajardo Casajús, enxeñeiro industrial e exdirector da división de negocio de servidores de Sun, vén de incorporarse á filial ibérica de Microsoft como director da unidade de Negocio de Servidores e Plataformas, cargo baixo o que dirixirá a estrategia da compañía nesta división orientada á comercialización de solucións para o mercado de servidores e plataformas empresariais, que axudan ás organizacións a rendabilizar os investimentos xa realizados e a aumentar a satisfacción dos seus clientes.
Entre as novas responsabilidades de Miguel Fajardo ao mando de Microsoft Ibércia atópase agora o impulso do negocio no ámbito do software para servidores dentro do mercado empresarial e o fomento do crecemento das marcas Microsoft Windows Server e Microsoft SQL Server.
O directivo conta cunha dilatada experiencia de máis de dúas décadas no ámbito das vendas dentro do sector das Tecnoloxías da Información, ao que se lle une un importante coñecemento do mercado de servidores.
Fajardo é Enxeñeiro Industrial (Enxeñaría Eléctrica e Electrónica) pola Escola Técnica Superior de Enxeñeiros Industriais da Universidade Politécnica de Madrid.