Deixa de funcionar Facebook Lite

O ano pasado a plataforma de redes sociais Facebook decidiu lanzar unha versión reducida da súa web, que serviría para que os usuarios con conexións lentas puidesen reducir o volume de descarga (axilizando o acceso e reducindo o consumo), o que algúns consideraban que era unha opción para os usuarios que non gustaban do deseño recargado de Facebook, mentres que outros vían a medida coma un feito de reducir o consumo de recursos por parte de usuarios en países en vías de desenvolvemento, pero sorprendentemente veñen de cancelar o servizo Facebook Lite, de xeito que cando accedamos ao mesmo verémonos redirixidos á versión habitual de Facebook.com.
Dende a compañía fundada por Mark Zuckerberg non detallan as razóns que levan a tal medida, asegurando simplemente que aprenderon moito durante as probas da versión reducida da web. ¿Será que o minimalismo neste tipo de páxinas web reduce a súa rendibilidade económica?