Facilitan a publicación de tuiteos en páxinas web

Replicar os contidos publicados en Twitter noutras páxinas web é algo que normalmente faise mediante unha operación de copiar e pegar ou mediante capturas de pantalla, solucións coas que habitualmente perdemos certas funcionalidades, de aí que decidisen lanzar unha nova ferramenta, Blackbird Pie, que xera un código HTML a partires do enderezo web dun tuiteo co que é posible copiar con bastante fidelidade a súa aparencia en Twitter dentro doutras páxinas web.
Esta nova ferramenta será de especial utilidade para blogueiros, que agora terán máis doado trasladar comentarios realizados en Twitter aos seus cadernos electrónicos, permitíndolles manter a súa identidade. Teremos aí unha especie de captura de pantalla interactiva, coa que é posible interactuar coma se estivésemos lendo o tuiteo dende a propia web de Twitter.
Cómpre advertir que o servizo está a ter problemas para funcionar nas últimas horas, pola vaga de usuarios que están a probala, e os seus responsables tamén aseguran que deberán pulila, entre outras cousas, para reducir o tamaño do código embebible.