Audiogalaxy estrea aplicación para Android

No pasado gozaba de certa popularidade a rede P2P de intercambio musical Audiogalaxy, pero agora só é unha sombra do que era, aínda que vén de estrear unha interesante aplicación para móbiles con Android que permite que a música sen protección DRM que teñamos no ordenador da casa poida estar dispoñible no móbil a través de Wi-Fi, EDGE ou 3G, de xeito que podemos escoitar a nosa música sen ter que copiala ao móbil, para o que debemos rexistrarnos antes na páxina web de Audiogalaxy.
A aplicación móbil de Audiogalaxy xa está publicada no Android Market, e pode ser interesante especialmente para usuario con móbiles con pouca capacidade de almacenamento ou que simplemente non queiran limitar as súas posibilidades de elección musical, posto que a cantidade de música almacenable nun disco duro dun ordenador actual pode ser inmensa. Podiamos entender esta ferramenta coma un Spotify del balde, aínda que cun catálogo musical moito máis limitado.