A compañía de voos de baixo custe Ryanair anunciou onte, 14 de febreiro, a posta en marcha dun servizo de balde de telefonía móbil, exclusivo para a recepción de chamadas e mensaxes durante as estadías dos usuarios no estranxeiro. Segundo a firma con sede en Irlanda, o servizo en cuestión é cen por cen pioneiro no mundo no que a prezos se refire. A oferta, que se pon en marcha coa axuda de Maxroam, está xa a disposición dos arredor de 78 millóns de pasaxeiros que Ryanair ten no planeta, “que poden seguir aforrando á hora de facer chamadas e enviar mensaxes coa tarxeta SIM de Maxroam”, informa a compañía.
Por certo que esta tarxeta, engade, achega unha tarifa fixa de 29 céntimos por minuto para facer chamadas e 9 céntimos para enviar mensaxes de texto estándar ou SMS, en 43 países europeos. Para acceder a estas ofertas, os pasaxeiros deberan mercar un paquete que inclúe o teléfono, a tarxeta SIM e 10 euros de crédito para facer chamadas, todo por un prezo de 29 euros que se poden abonar na páxina web da empresa.
Ryanair achega un servizo para recibir chamadas de balde no estranxeiro
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
