Telefónica faise máis global e dixital

César Alierta, presidente de Telefónica, vén de fixar as bases para consolidar a operadora como unha compañía global cun profundo cambio organizativo e estrutural, iniciando unha nova etapa coa vista posta no futuro a medio e longo prazo, e centrándose no mundo dixital e as oportunidades que facilite a súa escala global e as súas alianzas industriais.
Co novo esquema organizativo créase unha nova unidade de negocio chamada Telefónica Digital que terá sede central en Londres e sedes rexionais en Madrld, Sao Paulo, Silicon Valley e lugares estratéxicos en Asia, para o que contará con 2.500 profesionais procedentes de Telefónica, Terra, Tuenti, Jajah, Telefónica I+D e Media Network baixo a dirección de Mathew Key; simplificará a distribución xeográfica dos negocios en dous grandes bloques (Europa e América Latina); e creando unha unidade operativa de Recursos Globais que garanta a rendibilidade e sustentabilidade dos negocios baixo a dirección de Guillermo Ansaldo.