Os que xa temos máis de tres décadas de idade enriba sabemos o que é vivir só con dúas ou (como moito) tres canles de televisión dispoñibles, e sabemos tamén a enleada que pode representar o chimpo a unha situación na que se nos ofrecen unhas cantas ducias (como mínimo) de cadeas para elixir no noso tempo de lecer. Todo o que se faga por axudarnos a ter ben localizado o que queremos ver, será benvido. Nesta liña, e na de axudarnos a distancia, é onde se insire o novo servizo de R para avisarnos por SMS do noso programa ou da película que nos interese.
O servizo cómpre activalo na web coa información da guía de televisión do operador galego e, a través del, poderermos programar un toque no móbil, vía SMS, que nos poña ao tanto da inminencia dun programa, serie, partido ou filme que non queiramos perder. O aviso, que vén explicado en tódolos seus detalles nun novo vídeo demostrativo, é de balde. Porén, cómpre sinalar que hai un límite de programas e de alertas que programar.
Titorial en vídeo do servizo de alertas por SMS
R lanza un servizo para avisarnos no móbil dun programa que nos interese
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
