O Commodore 64 cumpre hoxe 30 anos

En xaneiro de 1982 puido verse no Consumer Electronics Show (CES) amosouse un ordenador persoal moi prometedor que non chegará ao mercado ata o mes de agosto, o Commodore 64 (C64), de xeito que agora podemos celebrar o 30º aniversario do seu lanzamento, no que foi, xunto co ZX Spectrum, un dos grandes expoñentes da informática doméstica grazas a chegar ao público a un prezo asumible. O equipo de Commodore estreouse con 64 Kbytes de RAM (de aí o seu nome) a un prezo de 595 dólares, conseguindo moi boa aceptación nos EE.UU., mentres que en Europa o feito de que o Spectrum de Sinclair conseguise funcionar mellor grazas a contar cun prezo moi inferior (a cuarta parte no caso do ZX Spectrum de 48 Kbytes).
O Commodore 64 era un equipo realmente destacable para a súa época, que conseguiu venderse a un prezo moi inferior os ordenadores persoais profesionais da época grazas a que o seu fabricante desenvolvía e fabricaba os seus propios chips. Pero o C64 non competiu realmente co IBM PC, senón que os seus principais rivais eran as consolas de videoxogos, ás que podía facer fronte grazas a contar con 16 cores en pantalla, gráficos optimizados para xogar (podía controlar sprites por hardware e incluso integran funcionalidades de desprazamento) e un chip con 3 canles de son. De todos os xeitos, as súas facilidades para xogar non foron máis que un catalizador para a súa popularización, sendo un axente crucial na adopción doméstica da informática, polo que a súa contribución foi moi importante á aceptación social dos ordenadores na nosa vida diaria.