Nun momento no que os Operadores Móbiles Virtuais (OMV) non cesan de captar clientes dos operadores móbiles tradicionais sorprende a agresividade que chegan a ter algunhas das súas tarifas, como a Tarifa FELIZ que vén de presentar Happy Móvil (OMV de The Phone House que funciona coa rede de Orange) e que cun consumo mínimo mensual de 4,9 euros/mes + IVE ofrece chamadas a 4 céntimos por minuto (cun establecemento de chamada de 15 céntimos) e un bono de datos de 300 Mbytes/mes de balde (o tráfico superado cobrarase a 3 céntimos o Mbyte).
Temos así un dos contratos de telefónica móbil máis económicos do mercado, que carece de cotas, horarios e permanencia, polo que é ideal para usuarios que realizan poucas chamadas e que, ademais, queiran ter a opción de conectarse á Rede dende o seu smartphone.
Happy Móvil tamén conta con tarifas como Habla 6 (con chamadas a 6 céntimos/minuto sen cotas nin permanencia), Habla mini 9 (con chamadas a 9 céntimos/minuto incluíndo 80 minutos/mes a España, Reino Unido, Alemaña e Francia) e 4 tarifas Smartplan que combinan voz e datos a un prezo de entre 4,5 e 19 euros/mes segundo o volume de voz e datos incluídos no contrato.
Happy Móvil inclúe 300 Mbytes de datos nunha das súas tarifas económicas
Compartir Este Artigo
- Unha de cada catro empresas galegas con dez ou máis persoas empregadas utiliza intelixencia artificial
- O VI Encontro CIBER.gal, que se celebrará do 4 ao 6 de novembro na Cidade da Cultura, abriu o prazo de inscrición
- A Xunta destaca o papel das telecomunicacións como ferramenta para garantir a seguridade das persoas e do territorio
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
