Unha aplicación para iOS axuda aos cativos a aprender os números

A empresa compostelá de desenvolvemento móbil Sináptika publicou na App Store unha aplicación universal (válida para iPhone, iPod Touch e iPad) dirixida aos pequenos da casa que estean a aprender os números practicando as cifras, ensinándoos a relacionar a forma textual cos números e tamén a recoñecer a súa pronuncia.
Números del 1 al 100 busca unha agradable experiencia de aprendizaxe por parte de nenos de entre 4 e 5 anos, goza dunha letra moi lexible e presenta unha interface de usuario moi minimalista, na que temos que elixir ao comezar se queremos identificar números partindo da súa forma escrita ou da súa forma oral, para logo xogar sen parar mentres o programa anima constantemente ao usuario a probar ata acadar o éxito.
Esta interesantes aplicación móbil está á venda por 0,89 euros dende hai menos dunha semana.

A nova aplicación de Sináptika vista en vídeo