Movistar estaría a deixar de ofrecer televisión en alta definición aos seus clientes de VDSL

Para competir coas ofertas de banda larga baseadas en fibra óptica dende Movistar apostaron hai anos pola tecnoloxía VDSL, que pouco a pouco está a verse eclipsado polas propias ofertas baseadas en fibra de Movistar, que achega un mellor servizo aínda que ten unha cobertura inferior. Como sinal de que o VDSL está a perder relevancia dentro da estratexia comercial de Movistar temos que agora, o servizo de televisión por ADSL e VDSL equipárase, de xeito que os usuarios de VDSL están a ser informados durante estes días da desaparición na súa oferta da posibilidade de recibir canles de televisión en alta definición como estaban a facer ata o momento.
Ao parecer, o VDSL non conseguiu ofrecer as posibilidades que dende Movistar agardaban, e agora centran os seus esforzos en mellorar a cobertura das súas conexións de fibra, que tamén facilitan un servizo televisivo moito máis completo e versátil que con conexións xDSL.