A plataforma de almacenamento na nube herdeira de Megaupload, MEGA, aínda conta con poucas ferramentas oficiais para non limitar o seu uso á súa versión web (concretamente ten un cliente oficial para Android), pero pola Rede circulan xa varios desenvolvementos que axudan a aproveitar o almacenamento deste servizo fundado por Kim Dotcom, entre os que destaca estes días MEGASync, unha ferramenta que aínda está en probas e que facilita a sincronización de cartafoles entre o noso ordenador con Windows e MEGA, dun xeito semellante a como traballan moitos usuarios con servizos como Dropbox ou SkyDrive.
MEGASync permite comprobar o espazo de almacenamento dispoñible en MEGA (ofrece de balde 50 Gb) , configurar o uso do noso largo de banda e incluso sincronizar de xeito independente os cartafoles de MEGA con cartafoles no noso equipo, dotando a esta solución dunha grande versatilidade.
A versión 0.22 de MEGASync pode descargarse de balde dende o propio servizo de MEGA.
Unha aplicación non oficial facilita a sincronización de cartafoles con MEGA
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
