Mint.com estrea aplicacións para Windows Phone 8 e Windows 8.1

A popular ferramenta para axudarnos a levar as nosas finanzas persoais, Mint, leva tempo achegando aos usuarios a través de aplicacións móbiles para iOS e Android, pero hoxe deron un paso importante neste ámbito ao estrear simultaneamente versións para Windows 8.1 e Windows Phone 8, de xeito que os usuarios de dispositivos táctiles de Microsoft poderán gozar desta atractiva ferramenta para levar as nosas contas.
Pero esta interesante estrea para Windows Phone 8 e para Windows 8.1 ten varios problemas, pois non só as aplicacións non están só dispoñibles en inglés, senón que polo momento limitan a súa distribución a EE.UU. e Canadá, que é onde funciona esta plataforma de xestión de finanzas persoais. Agardemos que no futuro poidamos gozar de ferramentas semellantes no noso territorio, pois o feito de que Mint acumule recoñecementos como ser unha das 20 aplicacións para iOS imprescindibles en 2012 por Macworld, estar no Hall of Fame deste ano na App Store ou figurar entre as Mellores Apps de 2012 en Google Play, só pode significar que estamos a perder unha grande oportunidade de tirar proveito dos nosos dispositivos móbiles e da Internet para actividades do noso día a día.