Preparan unha solución para reiniciar os contrasinais de Windows por USB

Non son poucos os despistados que tras colocar un contrasinal ao seu equipo informática atópanse ante a imposibilidade de acceder ao mesmo por esquecer a clave elixida, e para solucionar tal problema, o británico Jonty Lovell está a traballar nunha aplicación que poderá instalarse nunha memoria USB dende a que iniciar un equipo con Windows NT 4/XP/Vista/7/8/8.1, para logo poder reiniciar o contrasinal que queiramos superar nun proceso que leva menos de 60 segundos.
Para que esta solución vexa a luz, Lovell optou por ofrecela a través de Kickstarter, pretendendo xuntar 1.000 libras esterlinas para sufragar a aplicación, e superando sobradamente o seu obxectivo (a 25 días do remate da campaña achégase ás 7.000 libras), sendo posible facerse con esta solución de software por 8 libras (9,69 euros) ou cunha edición física nunha memoria USB con forma de chave por a partir de 10 libras esterlinas (algo máis de 18 euros cos gastos de envío).
Espérase que durante o mes de febreiro o reseteador comece a chegar aos seus compradores en formato descargable ou como unidade USB física.