Huawei podería ser o principal vendedor de smartphones en China

Datos da consultara Canalys sobre o mercado de telefonía móbil chinés sorprenden por amosar que Xiaomi perdeu o primeiro posto na venda de smartphones, véndose superada por Huawei, compañía que conseguiría liderar as vendas en China por primeira vez na historia grazas a que incrementou o número de terminais colocados no mercado nun 81%, funcionando especialmente ben no último trimestre, mentres que Xiaomi está a estancarse, tras anos de crecemento meteórico.
Lembremos que actualmente o mercado de smartphones en China é un dos máis importantes do mundo, non só en terminais de baixa gama, senón que a propia Apple xa considera que ese mercado e o segundo en importancia a nivel mundial despois dos EE.UU., polo que a mellora de Huawei no mesmo resulta prometedora para a compañía.
A caída de Xiaomi en China tamén podería ser consecuencia da internacionalización da compañía, que pouco a pouco vai vendendo máis smartphones fóra do seu país de orixe, o que impídelle colocar un volume moi importante de unidades no seu mercado nativo, onde habitualmente esgota todas as unidades que pon á venda en poucos minutos.