Organizan para o 17 de decembro un obradoiro de balde sobre analítica dixital

A compañía coruñesa Improving Metrics organiza o vindeiro 17 de decembro ás 20:00 horas o Analytics Day II, un obradoiro de soporte técnico sobre analítica ao que poderán acudir previa inscrición e completamente de balde un total de 30 persoas que poderán resolver as súas dúbidas durante esta xornada sempre que a remitan antes do 9 de decembro, para poder abordar o tema centro do obradoiro que se desenvolverá na sala S50 no primeiro andar do Edificio BCA 28 sito na rúa Copérnico nº 6 do Polígono da Grela.
Os responsables desta actividade serán Jesús Echarri Maceiras e Eva María González Vior, quen introducirán aos presentes no mundo da analítica dixital, coas ferramenta e os datos de forma práctica, convidando aos asistentes a acudir cos seus ordenadores portátiles para poder conectarse á Internet durante a actividade e así poder probar en vivo o que alí se comente.
O obradoiro está enfocado a PEME, autónomos, universitarios de perfís técnicos e, en xeral, calquera que centre o seu negocio no mundo dixital.