Alphabet convértese na empresa máis valiosa do mundo

Durante a xornada bolsista de onte, Alphabet, a compañía matriz de Google, conseguiu algo que parecía imposible nos últimos meses: converterse na compañía con maior valor de mercado, superando a Apple. Agora o valor de mercado de Alphabet estaría nuns 544.000 millóns de dólares, superando a Apple, o que sería a primeira vez que en superarse á empresa máis cotizada dende 2011, cando Apple superou a Exxon Mobil cunha cotización de 350.000 millóns de dólares (no momento en que Google superou a Apple a compañía de Cupertino tiña un valor de 538.000 millóns de dólares).
Este cambio de posicións parece consecuencia de dous grandes feitos: por unha banda a predición de que en 2016 vai caer o volume de iPhone vendidos por Apple (xa que resulta imposible medrar en vendas anualmente de xeito ilimitado) e o feito de que Google mudase a súa estrutura empresarial, conseguindo un maior dinamismo e facéndose unha empresa máis atractiva para os mercados.
Alphabet pode presumir duns magníficos resultados do negocio de Google, ou sexa, do buscador e o negocio publicitario, mentres que pode innovar no resto de liñas de negocio que ten abertas, e que resulta moi prometedoras. De feito, incluso a propia Google, agora dirixida por Sundar Pichai, goza dunha maior autonomía, o que tamén está a contribuír á mellora dos seus resultados económicos (xa que conseguiu incrementar o número de clics sobre os anuncios compensando sobradamente a baixada de prezo dos anuncios nas súas páxinas web).