Movistar estende a súa fibra óptica por Ponteareas

Telefónica España fixo balance dos traballos de despregadura de fibra óptica levados a cabo nas últimas semanas en 22 núcleos de poboación de Ponteareas. Segundo fixo saber, estas tarefas permitíronlle levar a nova infraestrutura de comunicación a 366 novas unidades inmobiliarias. Estes núcleos son os de Ganade, Pazos, A Civida, O Moledo, Candeira, A Camba, O Viso, A Pedreira, Rabuñade, As Eiras, A Encostada, O Eirado, Santa Locaia, A Cavadiña, Paredes, Reimonde, A Vigaira, A Portela, Carballede, A Rúa e A Granxa.
Estas vivendas súmanse ás 940 unidades inmobiliarias xa conectadas á fibra óptica nos últimos meses, o que supón en total o 52% % de todas as vivendas de Ponteareas.
Os fogares conectados poden gozar xa da fibra óptica de Movistar, que ofrece voz con alta calidade nas chamadas e máxima velocidade de conexión a Internet en varios dispositivos (computador, tableta, móbil) de forma simultánea e sen reducir a velocidade de conexión, entre outras vantaxes. Ademais, se o usuario dispón de Movistar+, terá acceso a canles de alta definición e poderá gozar dos seus contidos mentres navega por Internet, “ademais de conseguir a máxima velocidade e resposta nos xogos en rede”, sinala a operadora.