En setembro volverá a actividade formativo-transformadora da Cámara de Comercio de Santiago. Farao con novos seminarios e cursos para favorecer a dixitalización de pemes e persoas autónomas da demarcación. Entre o luns 14 de setembro e o martes 29 do mesmo mes celebrarase en horario de tarde (de 17.00 a 19.30 horas) o curso en liña Firma e facturación electrónicas, novas tecnoloxías aplicadas ás cooperativas e empresas de economía social.
A finalidade é “potenciar o coñecemento da do uso facturación electrónica e o seu marco legal, as condicións e as garantías de autenticidade e as obrigas para os emisores e receptores, así como o os conceptos de sinatura e certificados electrónicos e os seus requisitos”.
O programa vai dirixido a mellorar o funcionamento das entidades de economía social e cooperativas, adaptándose as novas tecnolóxicas que se impoñen no mercado e propiciando a súa consolidación e crecemento.
Será impartido polo docente Adolfo Luis Marín Abreu, enxeñeiro técnico en Telecomunicacións e profesor titular de Managing Cisco Netword Security, xestión da seguridade informática. É formador especializado de competencias dixitais e sinatura dixital ten ás súas costas máis de 3000 horas de formación presencial e teleformación acreditadas.
