O servizo de acceso á Internet vía satélite de SpaceX está a explorar o lanzamento en España do servizo Starlink para comunidades, que consiste na instalación dun kit de recepción de Starlink para achegar acceso á Internet de alta velocidade a varios usuarios próximos, que poden adquirir pases flexibles por hora, día, semana ou mes, compartindo parte destes ingresos co anfitrión da antena receptora.
Este tipo de servizo resulta ideal para enclaves turísticos que non contan con boa cobertura de fibra ou de datos móbiles, que deste xeito permiten que os seus visitantes poidan gozar de conectividade a prezos axustados que aínda non se coñecen publicamente, pois estamos ante un proxecto en probas.
