Denuncian que a Nintendo Switch viola unha patente do Wikipad

En 2012 puidemos ver un orixinal concepto que consistía en converter unha tableta nunha consola de videoxogos portátil engadíndolle controis físicos a ambos lados, pero o Wikipad non conseguiu establecerse no mercado e pode considerarse como un auténtico fracaso pese ás súas posibilidades, e agora volvemos saber deste produto por mor unha demanda que Gamevice, fabricante de accesorios que considera que a Nintendo Switch viola unha patente de conceptos empregados no Wikipad, como os seus mandos extraíbles.
Gamevice pide unha compensación económica a Nintendo por danos, así como a prohibición de vender a Switch, o que parece un movemento desesperado para tirar algún tipo de proveito dun proxecto fracasado do que Nintendo distanciouse moito pois, aínda que o hardware da Switch non deixe de ser unha versión modificada dunha tableta con Android (fabricada por nVIDIA), a chave do seu éxito é a súa proposta na que combina os conceptos de consola de sobremesa e portátil. Ou sexa, que parece bastante difícil soster que os Joy-Con da Switch (mandos que poden empregarse de tres xeitos distintos: por separado, conectados á consola ou conectados entre si construíndo un gamepad) copian a unha base que engadía mandos laterais a unha tableta, aínda que no complexo mundo das patentes todo é posible, e non sería sorprendente ver como a demanda remata cun acordo extraxudicial para que a compañía nipoa poida evitar unha sentenza desfavorable cando a Nintendo Switch sexa un produto cunha base de máquinas moi elevada.