8bitdo anuncia mandos sen fíos para a SNES Mini

Os xogadores que a partires de hoxe se fagan cunha das novas SNES Mini, e que resúltelle incómodo xogar con esta pequena consola empregando cables, poderá completar a súa peza de colección co novo produto de 8bitdo, un mando sen fíos que replica aos da Super Nintendo, pero que inclúe un receptor compatible coa nova consola. Este mando xa está dispoñible para a súa reserva en Amazon.com, onde ten un prezo de venda de 24,99 dólares (que de pedilo dende España sairía ao cambio, con gastos de envío e aranceis, en 33,98 euros).
Este mando chega en dous modelos, o SN30 (para consolas americanas) e o SF30 (para consolas europeas), que teñen cores a xogo coas SNES Mini de cada territorio. Como xa dixemos, inclúe o receptor sen fíos (que opera na banda dos 2,4 GHz) e un cable USB para poder recargar a súa batería integrada.
Estes mandos chegarán ao mercado o vindeiro 10 de decembro.