En Sada, máis de 8.400 fogares e empresas contarán con rede de R ao remate do ano

R vén de facer balance dos traballos despregados no concello de Sada para dotar as vivendas e empresas locais de fibra óptica avanzada. O operador puxo o foco nestes meses no núcleo de Serra (rematando un treito dos traballos de equipamento de rede e aproveitando as infraestruturas xa existentes) onde medio centenar de inmóbeis xa dispón de accesos ultrarrápidos a Internet (accesos de ata 500 Mbps simétricos) e doutros servizos de telecomunicación de última xeración.
Este grupo de unidades inmobiliarias sumarase aos vindeiros despregues do Plan Avanza (Goberno central), que situarán este concello nos 676 fogares e negocios con conexión á infraestrutura de nova xeración do operador galego a peche de ano (tamén nos núcleos de Lácere, A Lagoa, Esperela, Machado e Fraga).
Do mesmo xeito, á marxe do programa do Ministerio, R lembrou que leva dúas décadas incorporando á súa infraestrutura vivendas e empresas en Sada, co que este concello comezará 2022 con 8.403 fogares e negocios preparados para recibir todos os servizos avanzados de telecomunicacións de R (676 do Plan Avanza e 7.727 doutras despregaduras da compañía de orixe galega).