A Tecnópole e a CEO xuntan forzas para atraer talento a Ourense

A Confederación de Empresarios de Ourense (CEO) e a Tecnópole veñen de asinar un acordo de colaboración atraer talento e incentivar o investimento produtivos, ademais de fomentar a implantación de novas iniciativas empresariais no territorio. Estes son os obxectivos do convenio de asinado entre ambas as entidades empresariais, con Marisol Nóvoa por parte da CEO e Javier Taibo como director xerente de Tecnópole.
Os dous coincidiron en que “a cooperación e a unión de entidades en épocas tan complicadas como a actual é fundamental para establecer canles de colaboración que beneficien ao tecido empresarial da provincia e atraia investimento para novos proxectos”. Taibo comentou que a Tecnópole ansía achegarse ao tecido empresarial e “que mellor maneira de facelo que a través da CEO para estreitar lazos de colaboración en beneficio do sector produtivo”.
Para lograr os obxectivos deste acordo, as dúas organizacións establecen que colaborarán en aspectos como a realización conxunta de xornadas, seminarios, eventos ou accións de interese común e para o tecido empresarial, ademais da promoción de calquera actividade levada a cabo pola outra entidade sempre que sexa do interese marcado neste acordo mutuo.