Hoxe presentouse en China o Redmagic 11 Pro, smartphone que celebrará a súa presentación global o vindeiro 3 de novembro, anticipándose xa que estaremos ante un produto revolucionario, que non só chegará cun potente procesador Qualcomm Snapdragon 8 Elite Gen 5 e unha xenerosa batería de 7.500 mAh con carga rápida por cable e sen fíos, así como con carga reversible, senón que tamén presume de ser o primeiro smartphone con refrixeración líquida producido en masa a nivel mundial.
A refrixeración Redmagic AquaCore promete establecer un novo estándar co ventilador turbo máis rápido da industria. Entendemos así que o Redmagic 11 Pro pode ser un dos smartphones máis acaídos para longas xornadas de xogo.
En breve coñeceremos en profundidade as posibilidades deste novo móbil para xogadores, que promete ser un dos produtos máis interesantes para o que resta de ano.
Vídeo no que explican o sistema de refrixeración líquida do Redmagic 11 Pro
