Proseguen este mes de marzo as actividades formativas de transformación tecnolóxica da Cámara de Comercio Santiago. Unha das citas programadas será este 5 de marzo e xirará arredor das posibilidades empresariais que abre a intelixencia artificial. Trátase do obradoiro práctico Aprende a crear os teus propios asistentes de IA, do Programa Kit Dixital. O taller terá dúas horas de duración e dará comezo ás 10.00 horas na sede da Cámara no 40 da rúa República Checa de Santiago.
Consistirá nunha xornada gratuíta e presencial que ten por obxectivo ensinar a deseñar, crear e probar asistentes de IA funcionais, comprendendo os conceptos básicos e as ferramentas necesarias para a súa aplicación en casos reais. Está dirixida a pemes, autónomos e emprendedores.
Esta xornada está organizada pola Oficina Acelera Peme para o Kit Dixital da Cámara de Comercio de Santiago de Compostela.
A Cámara de Santiago móstranos como crear os nosos asistentes de IA
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
