ADN.es estrea blogs

O xornal ADN continúa a avanzar na súa estratexia en liña e incorpora á súa web as columnas de opinión de ADN e blogs de ADN.es, que nacen xa cun nutrido grupo de colaboradores entre os que destacamos a presenza do galego Juan Freire, que ten o blog Ciudades enredadas no que reflexiona sobre o tecido espacial, social e tecnolóxico no que vivimos.
O resto dos blogs de ADN.es serán En pie de guerra, El ruido y las nueces, Al fondo hay sitio, Ojo de pez, Ludorrea, Miss Telefunkenstein, A la cara te lo digo e Triple-doble, nos que tratarán os conflitos armados, o debate crítico (aclarando certas verdades aparentes), curiosas visións das cidades de Madrid e Barcelona, os videoxogos, o mundo da televisión, o famoseo e o baloncesto respectivamente.