O Goberno presenta unha ferramenta libre para a emisión de facturas polo dixital

O Goberno presentou este mércores Facturae, un novo formato de factura electrónica desenvolvida de xeito conxunto pola Subdirección General de TICs (do Ministerio de Industria) e por Informática Tributaria (do Ministerio de Economía). O obxectivo deste sistema é incrementar entre as empresas as posibilidades de aforro, ó favorecer o emprego do dixital en troques do emprego do papel. Dito doutro xeito máis concreto: en España fanse cada no unhas 4.500 millóns de facturas, un gasto importante de papel que, no caso de empregarse as ferramentas electrónicas (neste caso, Facturae), non tería razón de ser.
Segundo apunta o Goberno, o emprego de Facturae (unha ferramenta gratuíta, aberta e garantida pola Administración) suporía un aforro por factura de 3,4 euros para cada empresa e de 15.000 millóns de euros por ano para todo o conxunto da economía española, un 1,5% do PIB.
Na páxina web dedicada a este desenvolvemento (na imaxe) ofrécese todo tipo de material divulgativo sobre o mesmo, amais da propia ferramenta. Tamén podemos acceder de xeito gratuíto a un programa de xestión de facturación electrónica e a un directorio coas empresas e as administracións que xa empregan este tipo de sistemas.