R, a empresa que máis medra en España no eido da telefonía fixa e Internet

R vén de facerse eco do máis recente informe trimestral da Comisión do Mercado das Telecomunicacións (CMT), no que se reafirma que a súa liña de evolución segue a ser, con moito, unha curva ascendente. Tanto é así que a operadora galega sae parada desa investigación (referida ao outono de 2007) como a empresa que máis medra dentro do panorama español dentro dunha serie de apartados. Máis polo miúdo, os puntos nos que salienta a firma galega son os seguintes: na cifra de negocio en telefonía fixa e nos números en achega de servizos de Internet.
No que atinxe ó primeiro eido, R medrou nun 10,74% con respecto ao ano anterior en cifra de negocio, incremento que tamén se deixou notar no número de clientes, onde se rexistrou unha taxa de subida do 11,89%. A media nacional do mercado neste eidos, para que nos fagamos unha idea, cun 1,61% de índice de medre.
Porén, é cuestión de servizos de Internet onde se rexistran as cifras máis salientables. Neste punto, a contía do negocio da firma galega aumentou nun 38,10% con respecto ó mesmo período de 2006, cifra que representa o dobre do medre a nivel español.