O Adobe Flash Player 10 incorpora numerosas melloras

Adobe Systems lanzou oficialmente a versión 10 do seu reprodutor de Flash, que engade unha chea de melloras ao engadido para os navegadores web de maior implantación global e multiplataforma, que se pode descargar xa para Windows, Mac OS X, Linux e Solaris.
O Adobe Flash Player 10 destaca especialmente por integrar efectos 3D que se poden crear de xeito sinxelo a través de funcións nativas, incluír efectos e filtros personalizados, mellorar o rendemento visual (aproveitando a aceleración dos procesadores gráficos), engadindo o procesador avanzado de audio e incluso solucionando problemas de seguridade, polo que entendemos que a actualización a esta nova versión é máis que recomendable.