Desvelan os URL dos novos avatares de Xbox LIVE

Cada día falta menos para a chegada da Nova Experiencia Xbox (NXE) que introducirá os avatares na Xbox 360 (xunto con outras novidades) pero como curiosidade dende o blog Xbox 360 Fanboy publican o que serán os enderezos web que apuntarán aos gráficos que representarán aos usuarios de Xbox LIVE en 3 presentacións distintas (corpo enteiro, cara en grande e cara en pequeño).
Os enderezos terían o formato http://avatar.xboxlive.com/avatar/nomedousuario/ seguido de avatar-body.png, avatarpic-l.png ou avatarpic-s.png segundo a imaxe que queiramos presentar, e para comprobar algúns exemplos temos que TriXie (co nome de usuario trixie360), Chris Paladino (cpaladino) ou o propio Major Nelson (major%20nelson) teñen os seus avatares visibles para os internautas. Se queremos continuar a xogar a ver cómo locen estes avatares antes do lanzamento oficial do novo Dashboard da Xbox 360 podemos ver a imaxe dos usuarios natalies, bigvip, kugelblitz, don%20gorgon ou stepto, o que nos dá a entender que xa hai bastantes persoas probando a nova experiencia da que pronto poderemos gozar na consola de Microsoft.