Microsoft prepara unha tenda para os novos avatares de Xbox 360

A mediados de novembro Microsoft relanzará a súa consola de videoxogos Xbox 360 coa renovación do seu Dashboard, que entre outras cousas incluirá avatares tridimensionais para representar aos usuarios, o que podería aproveitar tamén para facer negocios, pois segundo o director de produto para a rexión EMEA, Robin Burrowes, están a preparar unha Avatar Store para primavera, que permitiría a adquisición de roupa e accesorios para personalizar os personaxes virtuais.
Incluso podería ser posible que algúns videoxogos premiasen logros mediante camisetas exclusivas ou accesorios rechamantes, para que outros xogadores fosen conscientes das habilidades e afeccións dos seus amigos.
Polo momento non estaría definido o modelo de prezos que incluiría esta futura tenda, da que non se verá nada no lanzamento da nova interface da Xbox 360.