As antenas de telefonía móbil seguen a ser unha fonte de conflitos en Compostela

A instalación de antenas de telefonía móbil é unha fonte de conflitos nas cidades, que supón toda unha colisión de intereses, pois os cidadáns non queren ter antenas preto da súa casa pero tampouco queren ter unha mala cobertura de telefonía móbil. Nunhas cidades este problema é máis conflitivo que noutras, e desafortunadamente Santiago de Compostela é unha das poboacións nas que o fenómeno está a dar máis que falar.
Compostela xa conta cun ordenamento municipal que regula a instalación de antenas de telefonía móbil, e están traballando na súa modificación (por ter anulado varios dos seus artigos o Tribunal Superior de Xustiza de Galicia), pero mentres hai xa xuízos en curso no que piden a retirada de 11 antenas supostamente irregulares, e 4 instalacións actuais poderían ser retiradas tras esgotar o seu proceso administrativo e xudicial (aínda que a operación de desmonte das antenas tamén é longo e complexo).
Haberá que agardar para ver se todos estes conflitos afectan negativamente á xa de por si mala cobertura telefónica que hai en Compostela.