As redes sociais causan dor de cabeza nos executivos de Hollywood

O furor das redes sociais virtuais están a causar estragos entre o colectivo de actores e actrices de Hollywood e os executivos desta industria así como das cadeas de televisión estadounidenses non gañan para disgustos ultimamente.
Segundo veñen de anunciar algúns xornais norteamericanos, a industria cinematográfica de Hollywood está a restrinxir por contrato o uso das redes sociais en Internet, tales como Twitter e Facebook, por parte dos seus actores e actrices para, segundo afirman, “evitar filtracións sobre as rodaxes, e outra información de interese”.
Asemade, a prensa local indica que DreamWorks Animation e Disney foron os primeiros en incluir cláusulas específicas nos contratos dos actores nas que se lles esixe o compromiso de “non divulgar as evolucións dos seus traballos a través das diferentes plataformas de comunicación que ofrece a Rede”.
En concreto, xa se rumorea que Cameron Díaz e Mike Myers comprometéronse a silenciar o seu Twitter en referencia á vindeira película da saga Shrek, á que poñen voces na versión inglesa.
Outro caso coñecido foi o anuncio da cantante Paula Abdul vía Twitter de que deixaba de ser xurado do popular programa American Idol, un comentario co que a artista impediu que os responsables deste espazo poideran deicidir cómo e cándo dar a nova.