A publicidade chega a Twitter

Despois de varios anos na procura dun modelo de negocio, Twitter vén de dar un decidido paso nesa dirección, estreando os tuiteos patrocinados (Promoted Tweets) con anotacións relativas a compañías coma Sony Pictures, Red Bull, Starbucks, Best Buy, Bravo ou Virgin America, que aparecerán cando teñan relación co contexto, o que pode lembrarnos á publicidade en Google.
Nestes momentos os tuiteos patrocinados aparecen nos resultados de busca en Twitter, aínda que no futuro tamén chegarán ao resto da web do servizo e incluso a aplicacións de terceiros, amosándose só un destes anuncios á vez.
Os anunciantes poderán poxar por palabras chave para colocar as súas mensaxes, baseándose na súa popularidade. Posteriormente buscarán o establecemento dunha métrica que permita xulgar o impacto de cada tuiteo patrocinado baseándose nas súas visualizacións, retuiteos e veces que fose marcados nos favoritos dos usuarios.