Google Reader prepárase para deixar de soportar navegadores web obsoletos

Para poder na adopción dos actuais estándares web, dende Google decidiron comezar a cortar co pasado, de xeito que o vindeiro día 1 eliminarán o soporte de navegadores web obsoletos (Internet Explorer 6, Firefox 1 e 2, Safari 1 e 2 e Chrome 1, 2 e 3) do seu servizo Google Reader, de xeito que os usuarios destas aplicacións terán problemas no acceso ás aplicacións web de Google paulatinamente, o que agardan que leve aos usuarios a actualizar os seus navegadores.
Pero esta no é a única novidade de Google Reader, senón que nas últimas horas tamén activou a posibilidade de que os usuarios poidan elixir se os seus elementos compartidos sexan públicos (de xeito que calquera pode velos ou comentalos) ou privados.
Un dos grandes cambios de Google Reader tamén será eliminar o soporte de Google Gears, pois esta tecnoloxía pasa a ser totalmente prescindible de utilizar navegadores web con soporte de HTML5, estándar que xa integra características coma o almacenamento de información no propio navegador, o que resulta moito máis cómodo que ter que instalar un engadido.