Skype incorpora a multi-tarefa á súa versión para iPhone

A aplicación que permite establecer comunicacións de voz sobre IP Skype vén de estrear versión na App Store, e agora soporta o sistema operativo iOS 4 e as súas funcionalidades de multi-tarefa, de xeito que podemos deixar esta aplicación de fondo para recibir chamadas incluso cando non temos a aplicación aberta, incrementando considerablemente a dispoñibilidade do usuario a través de Skype e instando así ao uso deste tipo de aplicacións dende o móbil polo aforro económico que poden supor.