A filmoteca social MUBI chegará á PS3 en outubro

Durante a Gamescom 2010 Andrew House, presidente e xerente da división de lecer de Sony para Europa, presentou a chegada do servizo MUBI á PlayStation 3 o vindeiro mes de outubro, de xeito que dende Gran Bretaña, Irlanda, Francia, Italia, España, Portugal, Alemaña, Austria, Suíza, Bélxica, Luxemburgo, Países Baixos, Dinamarca, Suecia, Noruega, Finlandia, Australia e Nova Celandia poderemos acceder a unha ampla oferta cinematográfica a través dunha subscrición mensual ilimitada de 12,99 euros e a 3,59 euros por película.
MUBI non se limita a ser un videoclub en liña, senón que é unha filmoteca social en liña na que están dispoñibles as mellores películas independentes, clásicas e internacionais (coma Amélie, El Laberinto del Fauno ou Mulholland Drive) para a súa cómoda visualización no salón (a través da PS3) e completada con faladoiros sobre películas, valoracións das películas, recomendacións na PlayStation Network e Facebook, e seguir as actualizacións dos nosos amigos sobre as películas das que máis gusten.

Vídeo promocional de MUBI