Máis de 250 profesionais participarán este venres na Noite Galega das Telecomunicacións

Este venres celébrase na Toxa, o Gran Hotel, a cita galega por excelencia dos nosos enxeñeiros de Telecomunicacións. Estamos a falar da nova edición, a dezaseis, da Noite Galega das Telecomunicacións e da Sociedade da Información, un evento que este ano xira arredor da tecnoloxía de banda larga e as posibilidades de crecemento económico que pon en xogo, ao seu abeiro e fóra del, cuestión para a que se contará, entre outros persoeiros do sector, con Bernardo Lorenzo, presidende da CMT. Asemade, afondarán nestas e outras cuestións, no transcurso da gala, a secretaria xeral de Modernización, Mar Pereira, e o secretario xeral de Medios, Alfonso Cabaleiro. A Noite, organizada como tódolos anos polo COETG-AETG, reunirá baixo un mesmo teito a máis de 250 representantes directos do sector das novas comunicacións e das TIC, entre enxeñeiros, representantes de asociacións sectoriais (como por exemplo Ineo, cuxo presidente, Jorce Cebreiros, obterá un recoñecemento).
Amais disto, a partir das 21.30, a cita dará acubillo á entrega dos Premios Galicia das Telecomunicacións, cos que se pretende salientar o esforzo despregado polos nosos profesionais, de tódolos eidos, en beneficio da modernización tecnolóxica da nosa terra.
O acto descorrerá do xeito que indicamos a continuación:
20:00 h. Recepción de convidados e cóctel de benvida
20:15 h. Recepción de autoridades no Gran Hotel A Toxa
20:30 h. Set de prensa- fhoto call (vestíbulo do hotel), comparecencia ante os medios de comunicación, fotografías cos premiados e breve declaración.
Orde de intervencións:
– Palabras de benvida por parte do cecano do COETG.
– Intervención da secretaria xeral de Modernización e Innovación Tecnolóxica, Mar Pereira.
21:05 h. Acto de presentación da Nova economía sobre a banda larga:
– Proxección película Nova economía sobre a banda larga.
– Intervén: O presidente da Comisión do Mercado das Telecomunicacións, Bernardo Lorenzo Almendros.
21:30 h. Acto de entrega dos Premios Galicia das Telecomunicacións e da Sociedade da Información
– Premio Enxeñeiro Gerardo García Campos á Mellor Iniciativa Empresarial TIC
– Premio Grandiant á Mellor Tese Doutoral Aplicada no Sector TIC
– Premio INEO á Mellor Aplicación TIC
– Premio ao Mellor Proxecto TIC con Beneficios Sociais
– Enxeñeiro do Ano
– Socio de Honra
22:00 h. Cea de gala