Unha carcasa incorpora teclado e control para xogos ao iPhone 5

Para os usuarios que queiran gozar dunha mellor experiencia de control tanto en aplicación de produtividade como en xogos no iPhone 5 poden facerse cun novo e orixinal accesorio que poñen á venda dende China e que consiste nunha carcasa para o móbil que inclúe un par de láminas metálicas imantadas de só 2 milímetros de grosor que se fixan sobre o mesmo magneticamente e que poden facer tanto de mando para xogos como de teclado externo.
O EX Hybrid Controller para iPhone 5 está á venda por 49,90 dólares (37,84 euros) en cor branca ou negra, comunícase co móbil por Bluetooth 3.0, funciona cunha batería recargable que ten unha a autonomía de 40 horas de uso e 160 horas en espera, é resistente a auga e po e presume de ser o teclado máis lixeiro e delgado nunca feito para o iPhone. Esta solución está composta por unha carcasa traseira para o iPhone 5, un par de paneis extraíbles imantados que fan de teclado QWERTY ou de joypad, unha estación de carga e un cable micro USB.

Vídeo de demostración do curioso accesorio multi-función para o iPhone 5