Nestes días de inverno e nevaradas pola xeografía galega somos conscientes da importancia que ten a información meteorolóxica no noso día a día, de aí que sexa un bo momento para botar un ollo ao referente da nosa comunidade a tal respecto, Meteogalicia, que fixo balance da súa presenza na Internet durante 2012, concluíndo que incrementou as súas visitas un 25% con respecto ao ano anterior, con 6.981.747 visitantes, cunha media diaria de 76.500 visitas. A este incremento de tráfico vía web habería que sumar tamén as 25.000 descargas da aplicación MeteoSix Mobile, que facilita o acceso dende iOS e Android ás predicións meteorolóxicas de calquera lugar de Galicia.
A páxina web de Meteogalicia emprega agora novas iconas que sintetizan ao detalle o estado meteorolóxico e incorpora tamén información sobre a contaminación acústica, detalles que van enriquecendo esta plataforma informativa que tamén facilita o seu acceso a través de aplicacións e ferramentas de terceiros, para o que publican os seus datos en formatos como o RSS e o XML, de xeito que fan doada a reutilización da súa información en páxinas web, aplicacións e outros servizos.
A aplicación de Meteogalicia para dispositivos móbiles tamén goza de boa aceptación
