Bob Mansfield deixa a Directiva de Apple por sorpresa

De xeito sorprendente, a ficha sobre o vice presidente senior de Tecnoloxía de Apple, Bob Mansfield, desapareceu da páxina web da compañía, paso que pode resultar un tanto rechamante porque Mansfield anunciara a súa intención de xubilarse hai un ano, pero a compañía recuperárao mudándoo de posto e asegurando que manteríase no mesmo ata 2014 (estiman que coas novas condicións recibiría uns 2 millóns de dólares ao mes entre efectivo e accións).
Dende Apple aseguran que Mansfield non deixou a compañía, senón que só abandonou as súas responsabilidades dentro da Directiva da empresa, supostamente para traballar en proxectos especiais, respondendo directamente ante Tim Cook. Esta información cobra certa relevancia porque nos últimos meses rumoreouse que Bob Mansfield podía estar a traballar en varios dispositivos electrónicos para vestir entre os que estaría o moi rumoreado iWatch, ou reloxo de pulso de Apple.